年三十．大出血

出血的不是荷包而是喉嚨/食道(仍然未明)
事原年三十中午同同事去東海食團年飯
就係咁，敗在一粒鯪魚球手上
發現啃親之後即時嘔血大作
見到自己血洗廁盆既時候真係呆晒
因為血的流量完全唔可以用係粵語殘片見到果d 人嘔既份量所媲美
而且都冇諗過小小的鯪魚球會有大大的殺傷力
轉折後睇急症醫生竟然話我要入院
因為要照胃鏡
其實本來要留院留到星期五
不過在爸爸大力反對之下都係簽左紙出院
宜家淨係可以食流質野兼且唔可以係熱的
所以我呢個新年食得最好味既野就係念慈菴川貝枇杷膏
而我既新年歌亦由財神到tune 左去張衛健既身體健康
唉，本來年三十有得早放同埋呢4日假點大吃大喝大玩特玩既計劃亦全盤泡湯
不過最內疚的當然是令到身邊既人擔心
真的希望超堅爆好激勁快快快快快快好返
我的朋友仔，其實我都好掛住你地，仲諗住新年可以暢談
但宜家吞口水都痛，祝我身體健康吧